بقلم فادي أبو ديب
مع مقطوعات ال Gymnopédies لإريك ساتي أشعر دائماً أنني في القرن الثامن عشر أو النصف الأول من القرن التاسع عشر، أدخل في زقاق باريسيّ ضيّق أبحث عن كتاب بالفرنسية يتحدث عن أنواع من النباتات البرّيّة، من صنف تلك الكتب المصوّرة المرسومة نباتاتها باليد أو بوسائل بدائية نسبياً. ولعلّني لست الوحيد المولع بهذا النمط من الرّسوم، فمتاجر الديكورات والتحف المنزلية ذات الطابع البرجوازي اليوم تركن في زواياها بعضاً من هذه الرسوم القديمة التي تصوّر هياكل الأزهار بسوقها وجذورها ومياسمها وتويجاتها وبتلاتها، مشيرةً بالأسماء إلى أجزائها بخطوط مستقيمة دقيقة.
وأحياناً أشعر أنني أبحث عن كتابٍ يتحدث عن نظرية الألوان لغوته أو بعضاً من شطحات الفيزيائيين التي لم تجد طريقاً إلى عالم العلوم المعترف بها. من الضروري ربما أن أقرأ الكتاب بلغة لا أجيدها بشكل جيد. هل هذا فعلاً ما أرغب به؟ أعتقد أنني أعني أن يكون بلغة قد أتقنتها للتوّ، إذا كان من الممكن تأطير ذلك زمنياً. ولأكون واضحاً أكثر، أمام نفسي أولاً، أريدها أن تكون لغةً، ليست بِكراً تماماً بالنسبة لي، ولكن أن تكون حاملةً للحلم والأفق المفتوح وليست ملوّثة في ذهني بأدران العالم اليومي وشتائم الشعوب لبعضها البعض. هكذا إذن، ثم أن يكون الورق سميكاً بعض الشيء، متوسّط الخشونة، أصفر بقدر مقبول، رائحته مزيج من رائحة الورق المعروفة والرطوبة التي تلتصق بالذاكرة ولا تمّحي وخشب الرفوف القديمة وغبار الزمن الفائت.
مع هذه الموسيقى تأتي بهجة العلوم في أوّلها، حين كانت ما تزال مدهشةً في طفولتها، بحيث كان الباحث أو المهتم يتعجّب من كشوفاتها كما يتعجّب من طفلٍ في أول مسيره أو مع أوّل كلماته. بعيدة بقدر الإمكان عن الروتين والإداريّات الكثيفة وبهلوانيات وسائل الإعلام وتعليقات الجموع.
هي بهجة كأس صغيرة من الفودكا أو الكونياك الحارق في الليل بعد يوم بارد وطويل، مليء بالأفكار والتكهنات الممتعة حول التاريخ والروح والفيزياء وعلم الأحياء.
ثم نوم هادئ ينتظر أزقة أخرى غداً، من أجل البحث حول ما يخبرني به الليل أو أوائل الصباح أو تلك الفكرة الأرخميدية المجنونة التي تحتلّ الخاطر فجأة بكل يقين.
الدَّهر الآتي The Coming Eon 
خود هي
https://youtu.be/OGKEDjuxyF0
هي بتجي هيك متل بهجة كأس شاي بالنعناع أو الميرمية، وأحيانا متل فنجان قهوة أو كاسة متة 😏😏😏
حلوة وفيها مسحة حنين…
هلأ الشاي والقهوة والمتة منبهات فما خرج بالليل، بيضل عندك الميرمية 😏
فممكن ستة أيام ميرمية ويوم رشفة كونياك 😌😌
هلأ إدمان السكر متل إدمان الكحول والمخدرات أو الدخااان؟!!!!
في كتير أشياء ماكانت موجودة زمان متل الدخان والأركيلة مثلا، لكن في شي إسمو القياس.
الوحي أمرني ابتعد عن كل شي ممكن يكون مؤذي قدر الإمكان، لهيك أنا هون بشغل عقلي وبشوف شو الكمية اللي ممكن تكون مؤذية وبعد عنها، وفي أشياء يجب الابتعاد عنها نهائيا. يعني اللي معو ضغط يفترض يبعد عن الملح مثلا لأنو مضر الو، بينما اللي ضغطو بينزل بيحطولو شوية ملح ع العيران وبيشربوه غصبا عنو 😏.
الدين حرم بعض الأمور نعم، لكن ترك مساحة للإنسان بكتير أمور. الكحول تحرمت لأنو أذاها بيمتد للغير، ولأنو اللي مفكر حالو بيشرب وما بيسكر ما بيعرف إيمتا بتتغير ظروفو النفسية وبيفقد السيطرة ع حالو 😏😏.
متأسفة جدا انشغلت فترة وهلأ لقدرت اقرأ ورد.
ولا يهمك 😊
هلأ بصراحة ما بعرف قيس بين الكحول والسكر، بس اللي بعرفو أنو مرض العصر اليوم هو السمنة. والسمنة طبعاً بتجيب أمراض لا حصر لها، أهمها أمراض القلب والشرايين وسرطانات الجهاز الهضمي. والسكر والدهون غير الصحية هي المتهم الأول. وبعتقد عدد اللي بيعانوا من السمنة وهالأمراض أكتر من عدد السكرجية بالعالم.
بالمجتمع اللي أنا بعرفو ما بحياتنا فقنا ع حدا فجأة صار سكرجي لأنو كان يشرب. السكرجية عادة بمجتمع متل مجتمعي يا إما بيكون من شبابه متعود عالشرب، يا إما من اللي كان عندهم الشرب تابوو وفجأة كسر التابوهات. وغالباً هدول بيكونوا صغار بالسن.
أما حدا كان يشرب بالعيد وصار سكرجي فما مرق عليي، لأنو الموضوع مو سحر. والكحول تحديداً مانو “طيب” للدرجة اللي بتخلي الشخص يلحقه بس تتغير ظروفو النفسية. أنو مرقنا بظروف نفسية سيئة جداً وما فكرنا مجرد تفكير بالكحول، لأنو ببساطة مانو شي “واو”، وبأكدلك أنو مو أول شي بيخطر عالبال لما الواحد تسكر بوجهو، إلا إذا كان بيشوف كتير أفلام أمريكية 😂
يعني بحالة “فقدان السيطرة” في مية شغلة أسهل وألذ من الكحول بلا مؤاخذة 😏😏أما إذا فعلاً في حالة نفسية ممكن بالفعل تكون جبارة لهالدرجة، فحتى التحريم ممكن ما بنفع معها.
شاي أخضر
مليسة
قهوة دي كاف
حليب (ممكن نيدو هادا بيجي مدعم بالبروتين مناسب لبناء الأجسام 🤣)
زهورات ( من الورد الجوري)
زعتر أخضر
بابونج
كركديه
كاكاو
الخ
ها.. إيه تاني 😌😌😌😌
وبعدين طول عمرنا منشرب برميل شاي ومتة بالسهرة ومنروح منّام 🤭🤭.
😂😂😂
كلن مناح ما حكينا شي. أنا بس عم قول ممكن تتوسع القائمة 😏
أنا ما دخلي. كل عمري ضد المنبهات بالليل😌
ثم إن كل المشاريب تفقد مفعولها الحراري بعد كم دقيقة بالكاسة، إلا الكحول القوي 😏 ما بيخرب وما بيبرد ولا يستقبل جراثيم أبداً.
اي صح ما بيخرب، بيخرِّب 😏😏😏
اي مزبوط، لهيك لازم ما ينحط بإيدين الولاد. متل السكاكر اللي اكتشفنا مؤخراً إنها سم زعاف للجسم وللدماغ ومساهم رئيسي بالسرطانات والزهايمر، ومع ذلك لا أحد تقريباً يحرك ساكناً، ويستعملونها حتى في الخبز! بيقول المتل السكين بإيدا ال*** بتجرح :D
السكاكر لازم تنزل بالنسخة المنقحة من الوحي :))
الوحي الحمد لله ما ترك شي ما خبرنا عنو.
السكاكر مضرة نعم، واللحمة كمان مضرة لما الواحد بياكل منها كتير وكل شي بالغالم إذا ما اتاكل باعتدال مضر. هادا أولا.
ثانيا: السكاكر ما بتعمل إدمان وما بيسكر الواحد من وراها وبيعمل مصايب زرقا. يعني أذاها عليه لحالو وهو مأمور إنو ما يلقي بنفسو للتهلكة، يغني إذا ثبت إنها مضرة وجب الابتعاد عنها.
ثالثا: السكاكر أنواع، وممكن تنعمل بالبيت ع فكرة وبطرق مو مؤذية لهيك الإنسان هو اللي ييقيم هيك أمور لأنو رب العالمين خلقو إنسان مو روبوت وعطاه عقل ، بينما لحد هلأ كلشي منسمعو عن الكحول إنو مافي أبدا كمية يمكن أن يقال عنها إنعا آمنة للجسم.
وأخيرا نعم السكاكر ما بتنترك بإيد الأطفال متلها متل كل الأكلات الطيبة المصنعة ومتلها متل المعلبلت اللي بازم الواحد يختصر منها قدر الإمكان ومتلها متل كتير شغلات 😏😏😏😏
سبحان الله 😑
السكاكر يعني كل السكر المضاف، الأبيض والبني، بيعمل إدمان وبيبرمج الدماغ كمان. غوغلي الموضوع. لهيك الواحد عادة بس بيبلش فيها ما عاد بيخلص. بس ما بيعمل مصايب بغيرو أوكي، بيعملها بحالو.
لو كانت موجودة زمان كان حكى عنها الوحي 😌
فهيي خطيرة بالفعل سواء عملتيها بالبيت أو اشتريتها. للأسف طبعاً!
أما الكحول فهو طبعاً مؤذي، ويبدو أنو أذاه يفوق ما نعرفه حتى الآن عنو. ولذلك الأفضل أن لا يكون من الأمور التي يتم تناولها بانتظام أبداً. يعني متل الدهون الثقيلة، نادراً أو عند الحاجة.
بعدين كأني مرة سمعت أنو الكحول فيها حريرات أكتر من السكر؟ مابعرف مدى صحة المعلومة بصراحة بس ممكن اقرأ عنها مع إنو ما بتهمني 😌😌
لا واضح ما بيهمك 😑
صدقي ما بعرف. بيجوز. بس مو قصة حريرات بس. السكر بيأثر ع كتير توازنات بالجسم وبينظم كتير أمور.
طبعا ما بتهمني لأني مكتفية بالمشروبات المذكورة بالقائمة أعلاه😌😌😌
😂😂 وأنا…تقريباً. لا بل أنا ما بشرب اي مشروبات سكرية كمان 😌
الدين ما رح يحرم كلشي ع الإنسان. الدهون مو مضرة لكل الناس وحاجة الإنسان إلها بتختلف حسب جسمو ونشاطو والخ الخ.
وبالمناسبة الدهون الطبيعة مفيدة ومطلوبة خاصة للأطفال والمراهقين لأنون بمرحلة بيصرفوا فيها طاقة كتير وضررها فقط عاللي عندون أصلا أمراض وراثية أو بسبب الإسراف بالأكل أو أو .
مرض العصر إجانا مع الأمريكا والوجبات الجاهزة والسريعة والمعلبات وغيرو وغيراتو. إجانا مع الهرمونات اللي عم تنعطى للنبات والحيوان حتى صارو بلا فائدة أصلا وصرنا مضطرين ناخد مكملات غذائية لنعوض 😑
يعني تحريم الدهون أمر غير منطقي أصلا، كل إنسان يفترض يتحكم بنفسو ضمن القواعد اللي الوحي أقرها (وكلوا واشربوا ولا تسرفوا).
يعني معرووووفة إنو كتير ناس بيشربوا لينسوا مشاكلهون ماني جايبة الحكي من بيت أهلي😒😒، ومعروفة إنو مو من السهل يترك الإنسان الكحول إذا أدمن عليها😒😒.
الإنسان حر بنفسو. الدين رسملو قواعد تساعدو بحياتو، لكن لما الأمر بيتعلق بحياة غيرو ففي حدود لازم يخضعلا لأنو مو لحالو عايش بهادا العالم.
بعدين إذا مو طيبة، ومضرة، لبش لتشرباااااا؟!!
جزا🤔🤔
أنا قلت مو طيبة لدرجة يركض الواحد عليها أول شي. أنو عادي مانا شاورما 😌 بس كاسة بيرة خفيفة أحسن بمية مرة من مشروب غازي فيه كمية مخيفة من السكر أو حتى بلا سكر، أو من مشروب الطاقة، السم المعاصر.
<p المهم أنو ما نفكر بالموضوع كأنو سحر وكأنو فيه قوة جذابة لا تقاوم. كل شي بالحياة تعويد.
هو ما بيركض عليها مشان الطعم. بيركض عليها حتى تفصلوا عن واقعو. حتى ينسى 😑😑😑
هدول تحديداً التحريم ما رح ينفع معهم دايماً، وإذا نفع، ممكن يروح ع داعش لينفصل عن واقعه بغير طريقة.
اللي بيوصل فيه الحال لهون الله يعينو.
عدا ذلك فيه الواحد يكتب شعر، يحضر فلم، يتنسك، ينضم لشي جماعة غريبة الأطوار. بظن معظم الناس هي خياراتها الأولى 😏
بعدين سكرجي كلمة بتنقال ع حدا بيسكر ع طول. هادا مصيبة ما اختلفنا، بس القصة إنو بيكفي الإنسان يسكر مرة وحدة ليكون في احتمال يعملو مصيبة أو يحكيلو شي كلمة يجرحلو فيها شي حدا طول عمرو.
اي صح، يعني العالم عم تعفس بعضها بلا شرب. فما وقفت عهي. في منهن إذا سكروا بيناموا. منرتاح 😏
“لا بل أنا ما بشرب اي مشروبات سكرية كمان 😌”
ممتاز، ضل توقف كحول 😌😌. ليكنا الحمد لله عايشين بلاها ما صرلنا شي 😑.
أنا بس الشاي بحطلو شوي سكر مو كتير🤭 الباقي كلو بلا سكر.
الزهورات بحليها شوي بالعسل.
يعني عم تحكي كأني ماسك قنينة الكحول كل الوقت!!
إنت عاطية الموضوع أكبر من حجمو 😏😏
أنا عندي الشوي متل الكتير 😑. عموما كل إنسان حر بحالو بيعمل اللي بدو ياه😌
آمين 🤣🤣
طيب بكرا حطي سبع ملاعق سكر بكاسة الشاي، ومع كل رشفة قولي “الشوي متل الكتير” وتذكريني 😌
التحريم بينفع لأنو بيكون أصلا ما بيشرب. مو خيار بالنسبة إلو.
بيصير يشرب بسبب “الظروف النفسية”، لأنو حضرتو مقتنع أنو الكحول يا لطيف شغلة سحرية 😌
لأ. وأقوالي مارح غيرها 🤭.
🤣🤣🤣 عنزة ولو طارت!
نو كومينت 😑😑😑
😂😂
بكرة دور المليسة🤣🤣🤣🤣
🤣🤣🤣🤣